Жұмысшы мамандықтар жылы аясында Сафи Өтебаев атындағы Жылыой мұнай және газ технологиялық колледжінде мектеп оқушыларына арналған Ашық есік күні ұйымдастырылды. Іс - шараның негізгі мақсаты - оқушыларды колледжде даярланатын мамандықтармен кеңінен таныстырып, кәсіби бағыт-бағдар беру. Сонымен қатар, өткізілген шеберлік сыныптары арқылы оқушылардың техникалық және кәсіптік білімге деген қызығушылығын арттыру көзделді. Ашық есік күні болашақ талапкерлерге колледж өмірімен жақын танысып, өз болашағын дұрыс таңдауға мүмкіндік берді.